Gedibbers

Episod 5: Lost

Joel — Sun, 24 Jan 2010 19:21:04 +0000

Nodeems mir de Mike scho ganz am Ufank wéinst feelender Internetverbindung verluer haten, brécht no enger 20 Minutten och nach d’Connectioun op Cardiff of. Grond genuch, fir d’wallisesch Haaptstad e bëssi méi genee ënnert Lupp ze huelen. Ausserdeem hu mir gebaken, informéieren eis iwwert Zitrounegras, danzen um gréisste Séi vun Europa. Mir brieche Glieser, schmaache Kuch a campéieren um Bodensee. Mir diskutéieren iwwert d’Cause vun eise Verbindungsschwieregkeeten, léieren onnëtz Saachen a staunen iwwert d’Méiglechkeete vu Google Maps. Mir trainéieren dem Obama säin Hond a froen eis, wat fir ee Gesellschaftsspill als nächst verfilmt gëtt.

Download audio file (episod5.mp3)

Dauer: 51:35

Episod 4: Déi mat de Na’vi an de Klingonen

Thierry — Wed, 06 Jan 2010 15:28:10 +0000

Mir kucken zeréck op d’Kinosgeschicht an entdecken déi erfollegräichst Filmer vun allen Zäit. Mir schwenke portugisesch Fändelen a mir froen eis op et dowert ass fir de Weltënnergang nach um Liewen ze sinn, oder op ee besser sollt schon virdrunner Schluss maache fir an der Häll firzestoen an der Schlaang. Ausserdeem diskutéiere mer iwwert fiktiv Sproochen an froen eis wéi et mat der Sproochesituatioun an der Integratioun zu Lëtzebuerg steet. A no den Afennëss déi leschte Kéier ginn mer dës Kéier e puer interessant Fakten iwwer Tomate gewuer.

Opgeholl an de Studioe vum Radio Ara.

Download audio file (episod4.mp3)

Dauer: 45:47

Episod 3: Déi mam ouni Mike

Thierry — Mon, 21 Dec 2009 01:12:53 +0000

Wann d’Kaz net do ass, danzen d’Mais um Dësch. An eiser leschter Episod vun dësem Joer geet et e bësse méi anarchesch zou ewéi bis elo. Mir podcasten aus dem Bett a befaassen eis mat onse Kommentatoren, ginn eis erzkathoulesch, diskutéieren iwwer d’Iwwerwaachung, entdecken den neiste Wantersport Schnéischëppespottting, mir léieren vill Neies iwwert Nëss a Schéckefriichten an mir verschlëmmbessere déi lëtzebuergesch Wikipedia. A well eis bekanntlech alles depressiv mécht, streide mer och driwwer op d’Jorzéngt elo iwwerstanen ass oder net, an op Selbstmord eng Léisung ass.

Déi schlecht Audioqualitéit beim Joël deet eis Leed, hien huet säin Équipement leider mussen zu Wien loossen. Déi nächste Kéier gëtt et hien awer och erem bei héiger Bitrat.

Download audio file (episod3.mp3)

Dauer: 21:24

Episod 2: Oh du selige

Mike — Tue, 08 Dec 2009 16:32:33 +0000

Sidd dier glécklech iwwert di 2. Episod? Mir sinn et! An wat gëtt et besseres wéi glécklech ze sinn?

An dëser Episod schwätze mer iwwert:

- Statistiken
- De Kleeschen ass komm
- Wat mécht glécklech
- Komasaufen
- Konscht
- an e puer Outtakes di mer dran gelooss hunn ;)

Download audio file (episod2.mp3)

Dauer: 34:13

Episod 1

Thierry — Mon, 23 Nov 2009 23:00:02 +0000

No laangem Plange sinn mer endlech online: deen neiste Podcast aus Lëtzebuerg. An onser éischter Episod erklären mer kuerz, firwat mir dat maachen an wat de Numm Gedibbers iwwerhaapt heescht. Eis Themen an dëser éischter Episod:

- Ass de Robert Enke en Held?
- Sollt een sech géint d’Schwéngsgripp impfe loossen?
- Wou sinn all d’Epicerien hin verschwonnen?

Download audio file (episod1.mp3)

Dauer: 29:49